के प्रचण्ड एमसीसी पास गर्ने अडानबाट पछि हटेका हुन् ? प्रचण्डको नयाँ अभिब्यक्तिले गठवन्धनमा खैलाबैला
Epress Khabar
प्रकाशित मिति :
मंगलबार, भाद्र २२ २०७८
काठमाडौं २२ भदौ । नेकपा माओवादी केन्द्रका अध्यक्ष पुष्पकमल दाहाल प्रचण्डले एमसीसी पास नहुने खुलासा गरेका छन् ।
आज मंगलबार वाइसिएलको केन्द्रीय कमिटी बैठकलाई सम्बोधन गर्दै उनले यस्तो खुलासा गरेका हुन् । बैठकलाई सहभागी भएका एक नेताले प्रचण्डको भनाई उदृत गर्दै आफुहरुले अमेरिकालाई कुटनीतिक नोट पठाएकोमा जवाफ नआएको भन्दै अब एमसीसी पास नहुने जनाएका हुन् ।
माओवादीले राष्ट्र र राष्ट्रियतामाथि प्रश्न उठ्ने कुनै विषयमा सहमति नजाउने बताएका उनले आफ्नो दलले राष्ट्रियतामा सधै अडान लिने गरेको समेत बैठकमा बताएका छन् ।
५० करोड डलरको परियोजना रहेको मिलेनियम च्यालेन्ज कर्पोरेशन एमसीसी सम्झौता भएपनि संसदबाट पारित नभएसम्म कार्यान्वयन भने हुँदैन ।
एमसीसीकी उपाध्यक्ष फतिमा जे। सुमर नेपाल आउनुभन्दा दुई दिनअघि प्रचण्डले यस्तो खुलासा गरेपछि गठवन्धन सरकारमा हलचलनै पैदा भएको छ ।
